Ќе ја пратам далеку
на тајно место,
ќе ја чувам добро
и посетувам често.
Ќе ја залевам со
капки љубов.
Зиме ќе ја заштитувам
од мразот и снегот,
за лете да ги рашири
крилјата кон брегот.
Ќе ја наберам во пролет
заедно со цветот
и ќе му ја подарам
на светот.
За мирот и среката
вечни да бидат,
да траат долго,долго,
сите да ги видат.
Тогаш душава моја
На перниче од среќа
ќе спие,
а јас ќе се смеам
и смеам и смеам...
No comments:
Post a Comment